مبروك ياللي لك على المجد عنوان
ياللي خذيت المجد بأول وتالي
حطيت لك بصمه على كل ميدان
يفخر بها أهل السمو والمعالي
عم الفرح بالشارقه باسم سلطان
واستبشر الشعب الوفي المثالي
غنت قصايدها الجزيله بالألحان
واستانست دام الفرح للغوالي
ولشيخنا سلطان من قلب ولسان
أزف اغلى تهنئه بطيب فالي
ياللي بنيت المجد في فكر الإنسان
وراهنت دايم في عقول الرجالي
رمز العدل والطيب يا نبع لحسان
نلجأ تحت بشته بسود الليالي
اسمك على صدر الشهادات نيشان
محفور في صدر الفخر مايزالي
وياللي خذيت الصيت من ماضي أزمان
وأسست لك مجدن رصين وخيالي
وممشاك من ممشى تعاليم الإيمان
وأخذت من سلطان عذب الخصالي
وشوفك يذكرنا بتباشير الامزان
أو نسمتن عذبة لفت من شمالي
محمد الهوني
المصدر: جريدة الخليج